मिक्लाजुङ । मोरङको मिक्लाजुङ गाउँपालिकाले आगामी आर्थिक वर्ष २०८२/०८३ का लागि कुल ७९ करोड ९२ लाख ४९ हजार ८ सय ७० रुपैयाँको बजेट सार्वजनिक गरेको छ। गाउँपालिकाका उपाध्यक्ष दिनेश पौडेलले सोमबार गाउँसभामा बजेट तथा कार्यक्रम पेश गर्दै विभिन्न क्षेत्रगत योजनाहरूमा रकम विनियोजन गरिएको जानकारी दिएका हुन्।

आर्थिक विकासतर्फ कृषि, पशुपंक्षी, पर्यटन र सहकारी क्षेत्रका लागि १ करोड ४६ लाख १५ हजार रुपैयाँ छुट्याइएको छ। सामाजिक विकासतर्फ शिक्षा, स्वास्थ्य, लैंगिक समानता, खेलकुद, भाषा-साहित्य, खानेपानी र सामाजिक सुरक्षालगायतमा ४ करोड ८० लाख ८७ हजार रुपैयाँ विनियोजन गरिएको छ।

सबैभन्दा बढी रकम भौतिक पूर्वाधार क्षेत्रमा छुट्याइएको छ। यसतर्फ २० करोड १६ लाख ७ हजार ६सय५५ रुपैयाँ विनियोजन गरिएको छ, जसमा अघिल्लो वर्षका योजना निरन्तरताका लागि मात्र १४ करोड २० लाख रुपैयाँ छुट्याइएको हो।

वन तथा वातावरण व्यवस्थापनमा ५० लाख ५० हजार, सुशासन तथा प्रशासनिक सुधारमा ११ करोड ९१ लाख ५० हजार रुपैयाँ खर्च हुने उल्लेख गरिएको छ।

उपाध्यक्ष पौडेलका अनुसार बजेट निर्माणमा समावेशी दृष्टिकोण अपनाइएको छ र वडागत योजनाका लागि मात्र ५ करोड ३९ लाख रुपैयाँ छुट्याइएको छ।

बजेटसँगै आगामी वर्ष मिक्लाजुङ गाउँपालिकाको समानुपातिक, समावेशी र दिगो विकासलाई प्राथमिकता दिइएको जनाइएको छ।

• 
• 
• 
• • • धेरै कमेन्ट गरिएका
  • जनकल्याण बचत तथा ऋण सहकारी सस्थाको अध्यक्षामा बोहोरा
  • करदाता शिक्षा तालिम सम्पन्न
  • मधुमल्ला÷ मोरङको मिक्लाजुङ गाउँपालिकाले गरिब, बिपन्न तथ...
  • रिलायन्सका विद्यार्थी बंङ्गलादेश जाँदै
  • चुरेफेदी महिला साकोसको चोरी रहस्यमय
  • भूमिहीनको हकमाथि राजनीति
  • भारतसँग जोडिएका मोरङका सीमा नाका मङ्सिर १ गतेबाट बन्द ग...
  • मिक्लाजुङ गाउँपालिका कृषि शाखाको पकेट कार्यक्रम सन्चलन...
  • एकै बर्षमा खरिदार देखी शाखा अधिकृत सम्मकाे सफलता