खाडीमा भेटौँला!

NayaNaya Khabar
1255 दिन अगाडि

मलाई बारम्बार झस्काउँछ
खाडीमा भेटौँला
जापानको यात्रा सफल रहोस्
कोरियाको यात्रा सफल रहोस्
जस्ता हृदयविदारक कथनहरूले
थाकेको तन अनि मन
उदासीन आँखा
ओठमा फिक्का हाँसो
भविष्यको चिन्ता बोकेर
ती ‌गल्लीहरूमा
ती चोकहरूमा
थुप्रै मजस्ता महरू भेटिन्छन्
सुनौलो भविष्यको खोजीमा
कयौं चाहनाहरू भत्किन्छन्
कयौं सपनाहरू भत्किन्छन्
कयौं आशाहरू अधुरा बन्छन्
कयौं सम्बन्धनहरू टुटेर जान्छन्
त्यही सुनौलो भविष्यको खोजीमा
म सक्दिनँ अब जहिले राजनीति
किचलो हेरिरहन
उराठ लाग्छ पहाड पनि
हाँसिरहेको देख्छु
पतझड पनि सुन्दर लाग्छ
तिम्रो त्यो लालच देखेर
लाग्छ सरकार तिमी हुनु र
नहुनु‌मा केही फरक छैन
त्यसैले अब खाडीमा भेटौँला।