स्वतन्त्रता संग्राममा
आशाको उज्याल्यो नदेखी कन 
बलिदानी भएकाहरु
अझै गुन्द्रुक र ढीडोका लागि तडपिंदै होलान यहीं कहीं 
तिमि इटालियन रेस्टुरेन्टमा झुम्दै 
हाम-बर्गर चबाउंदै गर्दा कुनै फरक पर्दैन

सबैका लागि, संधैका लागि अल्पियेका 
दिगो परिवर्तनकारी अमर आत्माहरु 
तिम्रा एक-एक कदममा
आँखा टठ्याउँदै
प्रकाशका किरणहरु चिहाउँदै गरेका बेला 
तिमि स्टार होटलहरुमा
सत्ताका सम्झौता कबुल गर्दै गर्दा कुनै गाह्रो हुन्न 

डोल्पा र मुगुमा अन्न सकिएर 
अनिकाल पल्टीरहेको बेला 
तिमि थाईलैंडको कुनै 'बीच-मोटेलमा'
छमिया संग रात बिताउंदै गर्दा कुनै आपत्ति हुन्न 

शहिदका बिधुवाहरुका अंगमा 
रातो भन्ने टीको सम्म पनि उजाडिएको बेला
तिमि रातै पासपोर्टको खुल्ला व्यापार गर्दै 
युरोप र अमेरिकाका चिल्ला सडकमा चहार्दा
कुनै अन्यथा हुन्न 

गरिबका टुहुराहरु
क ख रा चिन्नका लागि 
धुले पाटी बनाउन...
आफ्नो निजि आँगन पनि नशिब नभएको बेला 
तिम्रा ऐयासि सन्तानहरु 
बिदेशका महंगा महा-विधालयहरुमा 
प्रेमी प्रेमिकाहरु संग लठ्ठारिरहंदा 
कुनै नया समाचार हुन्न 
कुनै अचम्म हुन्न! 

• 
• 
• 
• • • धेरै कमेन्ट गरिएका
  • कर्मचारी नै चोर भएको भन्दै किटानी जाहेरी, आर्थिक अनिमित...
  • कर शिक्षा तालिम सञ्चालन हुने
  • सुचना दीनेलाई पुरस्कार
  • उद्घाटन खेलमा वडा नं. २ बिजयी सेमीफाइनल प्रवेश
  • शिक्षकहरु द्धार पालिकमा धर्ना
  • भुकम्प प्रभावितलाई मिक्लाजुङ गाउँपालिकाको सहयोग
  • प्रिय मान्छे
  • झापा सैनिक बजारमा बैशाख ९ बाट महिला गोल्डकप संचालन हुँद...
  • श्रम स्वीकृति मिक्लाजुङ गाउँपालिकाबाट पनि हुन थाल्योः र...