उर्लाबारी, २३ असोज
नेकपा एमाले कोशी प्रदेशका नवनिर्वाचित अध्यक्ष घनश्याम खतिवडाले इमान र निष्ठालाई जहिल्यै शिरमा राखेर अघि बढ्ने बताउनुभएको छ । आफ्नो साढे चार दशकको राजनीतिक जीवनमा गलत कार्य नगरेको बताउँदै उहाँले बाँकी राजनीतिक जीवन निष्ठाका साथ अघि बढाउने जनाउनुभयो ।
आज नेकपा एमाले मोरङ १ (१) प्रदेश निर्वाचन क्षेत्रीय समितिले उर्लाबारीमा आयोजना गरेको बधाई कार्यक्रममा उहाँले भन्नुभयो, ‘म पार्टीभित्र व्यापार गर्न, पैसा कमाउन आएको होइन, सेवा गर्न आएको हुँ ।’ प्रजातान्त्रिक प्रक्रियाबाट आफू प्रदेश अध्यक्षमा निर्वाचित भएको बताउँदै उहाँले कसैलाई पक्षपात नगरी अघि बढ्ने बताउनुभयो । पार्टीको नीति र नेतृत्वलाई सम्मान गर्दै अघि बढ्ने उहाँको भनाई थियो ।
कार्यक्रममा प्रमुख अतिथि नेकपा एमाले केन्द्रीय अनुशासन आयोगकी सदस्य लक्ष्मीदेवी भण्डारी, मोरङ क्षेत्र नं. १ का संयोजक पुष्प ढकाल, उर्लाबारी नगर कमिटी अध्यक्ष गंगाप्रसाद बास्तोला, मिक्लाजुङ गाउँ कमिटी सचिव नवीन कार्कीलगायतले मन्तव्य राखेका थिए । प्रदेश निर्वाचन क्षेत्रीय कमिटीका संयोजक अग्निप्रसाद भट्टराईको अध्यक्षतामा भएको कार्यक्रममा प्रदेश कमिटीमा निर्वाचित अध्यक्ष खतिवडासहित सदस्य ज्योति चौहान, योगेश बस्नेतलाई बधाई ज्ञापन गरिएको थियो ।

• 
• 
• 
• • • धेरै कमेन्ट गरिएका
  • मुटु रोग सम्बन्धी निःशुल्क स्वास्थ्य शिविर सम्पन्न
  • प्रचण्डले एमाले मन्त्रीहरूलाई सुनाए फत्तेमानको गीत
  • बाजुरा भूकम्प: केही घर भत्किए, क्षतिको विवरण संकलन हुँद...
  • बिहारमा कोशी नदीमाथि भारतले बनाउँदै गरेको पुल भत्कियो
  • सहकारीको ३४ लाख चोरी, कर्मचारी प्रहरी नियन्त्रणमा
  • मिक्लाजुङ गाउँपालिका कृषि शाखाको पकेट कार्यक्रम सन्चलन...
  • बिरुवा रोपिन्छ, संरक्षण हुदैन
  • प्लम्बिङ तालिम शुरु
  • दाउले हानेर काकाको हत्या